నేను రాసిన 'దాగుడుమూతలు' కవితని హిందీ కవి జి.పరమేశ్వర్  హిందీ లోకి అనువదించారు . 'తెలుగు కావ్య ప్రభ ' అనే హిందీ కవితాసంకలనం  లో  దీని ప్రచురించారు.


  *కవిత మీద క్లిక్ చేస్తే  అక్షరాలు  పెద్దగా కనబడతాయి.

<a href="http://hemalathaputla.blogspot.com/2010/09/blog-post_4119.html"> </a>

మాంట్రియల్ బొటానికల్ గార్డెన్స్

185 ఎకరాల విస్తీర్ణం లో వున్న 'మాంట్రియల్  బొటానికల్ గార్డెన్'  కెనడా లో వుంది.
విద్యార్ధులకి,పర్యాటకులకి  కూడా విజ్ఞానాన్ని , వినోదాన్ని కల్గిస్తుంది.

 మొక్కలతో ఎన్ని కళా ఖండాల్ని రూపొందించారో చూడండి.

<a href="http://hemalathaputla.blogspot.com/2010/09/blog-post_15.html">మాంట్రియల్ బొటానికల్ గార్డెన్స్</a>

మిత్రులందరికీ రంజాన్ శుభాకాంక్షలు ...

మిత్రులందరికీ రంజాన్ శుభాకాంక్షలు  ...

<a href="http://hemalathaputla.blogspot.com/2010/09/blog-post_11.html">మిత్రులందరికీ రంజాన్ శుభాకాంక్షలు ...</a>

అందరికీ వినాయక చవితి శుభాకాంక్షలు !

-పుట్ల హేమలత

<a href="http://hemalathaputla.blogspot.com/2010/09/blog-post_10.html">అందరికీ వినాయక చవితి శుభాకాంక్షలు !</a>

పిండాల బావి

అమ్మా!

నేను జీవ కణాన్నై నీ ఉదర గృహంలో అడుగు పెట్టినప్పుడు

నువ్వెంత సంబరపడ్డావో కదా?

ఎంత మంచి దానివమ్మ!

ఆడో!మగో! తెలియదు

ముక్కు మొగమైనా రూపు దిద్దుకోలేదు

ఎన్ని సార్లు బొజ్జ తడుముకుని

నన్ను నీ బతుకు లోకి స్వాగతించావో కదా!

వెచ్చని నీ గర్భ గుడిలో దైవం లా

నేనెంత భద్రంగా వున్నానో కదా!?

ఈ రోజు నాన్న ఏదో అన్నాడు

అశృ తరంగాల మధ్య

ఓటి పడవలా వున్నావు నువ్వు

మొదటి సారిగా నాకు భయంగా వుందమ్మా!

నాన్నకి నేనిష్టం లేదు

స్టాక్ మార్కెట్లో పతనమైన సెన్ సెక్స్

నాన్న ఆస్తికి ఆనకట్ట ఆమ్నియో సెంటిసిస్

అమ్మా! నీ మనసేంటో నాకు తెలుసు

నిద్రలో పక్కకి ఒత్తిగిలితే

నాకెక్కడ నొప్పి కలుగుతుందోనని

కంటి నిండా కమ్మటి నిద్రైనా పోకపోతివి

నీ తలపుల కొమ్మపై

తేనె పిట్టనై వాలినప్పుడు

అవ్యక్తానుభూతికి లోనైన

నీ అంతరంగాన్ని లోనుంచే చూశాను

నేనంటే నీకెందుకంత ఇష్టం?

అమ్మతనం ఇంత తీయగా వుంటుందా?

నేనూ అమ్మనై

నా పాపని ఇలాగే ప్రేమించాలనుందమ్మా!

మీ అమ్మ నిన్ను కడుపు లోనే చంపేసుంటే

ఇప్పుడు నాకు నీ ప్రేమ రుచి తెలిసేది కాదు

అమ్మమ్మ ఎంతో మంచిది కదమ్మ!

నీకు బతుకు నిచ్చి జీవన బంధాలు వేసింది

నీ మాతృత్వం కూడా నన్ను కాపాడలేదా?

నాన్న దూరమైతే

నీకు సమాజంలో గుర్తింపు లేదు

నేనుంటే

మీకు పున్నామ నరకం తప్పదు

నాన్నకి కొడుకు కావాలి

నీకు నాన్న కావాలి

ఎవరు చెప్పారమ్మా?

ఈ కంచికి చేరని పుక్కిటి పురాణాలు?

కానీ నీకో విషయం తెలుసా అమ్మా?

నాకూ ఓ మంచి చోటుందని?

అక్కడంతా నా వయసు ఆడ పిండాలే!

మొగ్గతొడగని అంగాలూ…………

లేత పాపల పుర్రెలు , ఎముకలూ…………….

చెదిరిన స్వప్నాలను కలగంటున్న కళ్ళ

లోగిళ్ళతో

నాకు స్వాగతం పలుకుతారు

అమ్మా………

నాకోసం ‘నయాఘడ్ లో’

పిండాల బావి కాచుకుని వుందిలేమ్మా!

( ఒరిస్సా – నయాఘడ్ పట్టణం లోని ఒక పాడుబడ్డ బావిలో నలభైకి పైగా ‘ఆడపిండాల’ను కనుగొన్నారన్న వార్త చదివాక)

-పుట్ల హేమలత

<a href="http://hemalathaputla.blogspot.com/2009/09/blog-post_08.html">పిండాల బావి</a>