'మనోజ్ఞ సాంస్కృతిక సాహిత్య అకాడమీ ' కార్యక్రమాలు

14/మనోజ్ఞ్య సాంస్కృతిక సాహిత్య అకాడమీ,  కేంద్ర సాహిత్య అకాడమీ, బెంగళూరు . సంయుక్త ఆధ్వర్యం లో 3 రోజుల పాటు సాహితీ ఉత్సవాలు ,సాహిత్య అకాడమీ వారి పుస్తక ప్రదర్శన /ఉమా రామలింగేశ్వర కళ్యాణ మండపం/

రాజమండ్రి/8.12.2008-10.12.2008 

<a href="https://hemalathaputla.blogspot.com/2008/12/blog-post.html">'మనోజ్ఞ సాంస్కృతిక సాహిత్య అకాడమీ ' కార్యక్రమాలు</a>

స్వప్న ముఖి

ఒత్తిగిలి హత్తుకోవటానికి

మరో రెండు చేతులుంటే

ఎంత బాగుణ్ణు

ఒక రెంటితో నిన్నూ.....

మరో రెంటితో మరో నిన్నూ.....

కనీసం

నాకు రెండు ముఖాలైనా లేవు

ఒకటి 'నీ' వెంపు కీ

మరొకటి

'మరో నీ' మెడ వంపు కీ .....

నా 'మానస' మహతి పై

నీ ప్రేమ తంత్రుల నాదం

నీ 'మనోజ్ఞ ' మధూలికల పరిమళాలు

నా తలపుల వాకిట్లో ......

వినటానికి రెండు చెవులేనా?

ఏరుకోవటానికి రెండు చేతులేనా?

అవయవాలకీ 'ధాత' కరువు

ఒక నీకూ

మరో నీకూ

ఇంకా తెలీదు

ఒకప్పుడు

మా అమ్మ కూడా ఇంతే

పది చేతుల కోసం

పంచముఖి యై

కలలు కంటూ వుండేది !

-పుట్ల హేమలత

<a href="https://hemalathaputla.blogspot.com/2008/11/blog-post_16.html">స్వప్న ముఖి</a>

జిగినీ పరదాలు

నీడగానే సాగాలన్న చోట

గోడగానే మారాలి

శలభానివి కావల్సిన చోట

ప్రమిదగానే వెలగాలి

ప్రేమాలింగనాల కొలిమిలో

అభిమానం అడుసుగా మారుతుంది

కోరికల జిగినీ పరదాల మాటున

నగిషీలు చెక్కిన గాయం

కాష్మోరా లా నిద్ర లేస్తుంది

స్రవించే పుండుని ముట్టుకోనేలేరు

వైతరణి ప్రవహిస్తేనేం?

సుగంధ భరితంగా వుండాలి కాబోలు

కిలికించితాల అలల మీద

అహంకృత గరళ వస్త్రం కప్పుకుంటుంది

ఇప్పుడు కొత్తగా ఏంటి?

హృదయ పరిఛ్ఛేదన

యుగాల నాటిది

ఏ అభిజాత్యపు క్షణమో

నిన్ను నిన్నుగానే చూడాలనుకొంటుంది

ఒక్కొక్క సారి

సన్యాసపు సహజీవనాలు

ఎంత మధురంగా వుంటాయి!

నిన్ను నువ్వు గెల్చుకున్న ప్రతి క్షణం

ఒక మూలరాయి అవుతుంది

పెను గాలికి కూలిన మాను ......

మనసు చచ్చిన మానవి!

తేడా ఏముందని?

దు:ఖపు మూలాల్ని

వేరు పురుగు తొలుస్తూనే వుంది

కీటక నాశని చల్లండి

గుండె గాయం

ఇంకా ఆరనే లేదు !

-పుట్ల హేమలత

<a href="https://hemalathaputla.blogspot.com/2008/11/blog-post.html">జిగినీ పరదాలు</a>

మనోజ్ఞ్య సాంస్కృతిక సాహిత్య అకాడమీ కార్యక్రమాలు

11/వాసిరెడ్డి సీతాదేవి ప్రధమ వర్ధంతి -స్మారక సాహిత్య సదస్సు /రాజమండ్రి /13.4.2008.
వాసిరెడ్డి సీతాదేవి రచనలపై వ్యాసరచన పోటీ-బహుమతులు.

                     వక్తలు :వాడ్రేవు వీరలక్ష్మి దేవి,రచయిత్రి.
                      చాగంటి శరత్ బాబు. రచయిత.

12/మనోజ్ఞ్య సాంస్కృతిక సాహిత్య అకాడమీ,ఇన్నర్ వీల్ క్లబ్ ఆఫ్ రాజమండ్రి సంయుక్త ఆద్వర్యం లో 

 ' స్నేహం- విశిష్టత ' అంశం పై వ్యాస రచన పోటీ,బహుమతులు.యూత్ కౌన్సిలింగ్  /రాజమండ్రి           /3.8.2008.


ముఖ్య అతిధి-సన్నిధానం నరసింహశర్మ.

13/ముప్పిడి ప్రభాకర రావు' లోకం చూశాక' కథాసంపుటి పై విశ్లేషణ /రాజమండ్రి/12.10.2008.


విశ్లేషకులు:మహీధర రామశాస్త్రి,రచయిత.

<a href="https://hemalathaputla.blogspot.com/2008/04/blog-post.html">మనోజ్ఞ్య సాంస్కృతిక సాహిత్య అకాడమీ కార్యక్రమాలు</a>